حين قال الجيلالي اعطيني صاكي….

حين قال الجيلالي اعطيني صاكي….
TOP

هذه الثمانية الصباح و الجيلالي تيبقلل عينيه في الحائط عاصر على السعدية اللي باركة طلقة عليه السنفونية …السيدة ما نادتش والجيلالي باغي يفطر…بدا يسوط وينفخ شوية وهو يركلها وهي تقفز بسم الله الرحمن الرحيم اش كاين…؟!! وهو يقولها وا المسخوطة بقيتي حالا فمك تشخري حتى كان واحد الفار غيدخلك فيه …ونا نجي وهو يهرب بغيت نضربو برجلي جات فيك….وهي تقول ليه احياني عليك أزماني !! ياويلي هادي الثمانية وشوية وبقين بلا فطور …والله العظيم …ماقادة ندير شي حاجة….كون غامشيتي ا سيدي الجيلالي عند حسن مول الحانوت في راس الدوار رآه ولا تيجيب الكومير نفطرو به مع شي زويتة…. الجيلالي ساط جوج سوطات وردخ الباب ومشى الحانوت….مافهم والو لقا قدامو الناس مستفين شادين النوبة …على الكومير…دورها في راسو حدر قبو وزاد شد النوبة هو الاول ….هو ينقز ليه واحد من الصف وقال ليه:

وا الجيلالي ما بانوش لك هاذ الرجال كاملين اللي تيتسناو وشادين النوبة وانت خلطت ودرمت القدام؟!! الجيلالي ما تسرطاتش ليه وقال ليه…اودي الرجال هم اللي جالسين في الدار دابا وتيفطرو بالمسمن والبغرير والبطبوط…..

الجيلالي كمد 2 كوميرات تحتو و ارجع لدارو لقى السعدية معمرة اتاي وتتسنى …دخل لاح عليها الكوميرات وقال ليها اعطيني صاكي….وهي تبدا تغني …وهو يجبد معاها يا المسخوطة عطيني صاكي رانا غادي بحالي شوهت بيا قدام ناس الدوار احقا والواد الجيلالي ولا يشري الكومير …

السعدية تزيرت وقالت ليه لهلا يحوجك رانا غا صبحت عيانة من البارح نسيتي ولا نفكرك….يا هادي ياهادي…الجيلالي قرأها في السما قاليها كل نهار ورزقو مال الكومير ماشي زوين….مرة مسمن مرة بغربر مرة كومير….الله يرزق غا الصحة والسلامة….

مقالات ذات صله

TOP
%d مدونون معجبون بهذه: