الأحد 23 أبريل 2017 - 19:45إتصل بنا |
زجليات رشيد حداش

الكاتب : سيدي بنور بريس | 12/12/2015 08:17 | التعليقات : 0

زجليات رشيد حداش


1

عْلَى كْفِّي
هْزّيتْ شْحالْ
مْنْ كْفُوفْ
نْهارْ كَنْحْلْ دْفْتِي
كَتْحْلْ شْحالْ
مْنْ دْفُوفْ
لُو مَاكَانْ گْلْبِي
بْالمْحبَّة مْعْلُوفْ
حْتَّى نْطْلبْ قْلْمِي
يِتْسلّْفْ شْلاَّ حْرُوفْ

2

سْعْداتْكْ يا كْلامْ الصِّيفْ
دِيمَا مْسْلْفِينْكْ ضِيفْ
في رحبة مْعانِي الْخْرِيفْ
يانارْكْ ياكْلامْ الرْبِيعْ
كَيْعْشْقُوكْ بْالشْرَا وُالْبِيعْ
ؤمُكْتابْلْك
فْ وِيدَانْ الشْتَا تْدِيعْ

3

عْلَى كْفِّي
هْزّيتْ شْحالْ
مْنْ كْفُوفْ
نْهارْ كَنْحْلْ دْفْتِي
كَتْحْلْ شْحالْ
مْنْ دْفُوفْ
لُو مَاكَانْ گْلْبِي
بْالمْحبَّة مْعْلُوفْ
حْتَّى نْطْلبْ قْلْمِي
يِتْسلّْفْ شْلاَّ حْرُوفْ

4

يالْغزالْ
وخَّى هْمستْك
فيها سْر مْدفونْ
غيرْ جِيني
گْليبِي مْوَلَّفْ
كَيبْرّدْ السْخُونْ

5

ماتورْخ الكلامْ
فْكنانْشْ الْعْشقْ
غِيرْ مْن تْربَّى بيه
ؤرْبَّى عْليهْ
ؤكْلاَ عْلى
عْكْسُو الدّْقْ

6

مقطع من قصيدة
الْمعنى
........
وْسْعِي خاطْرْكْ
ؤشْعْلِي فْتِيلْةْالْكْبْدَة
تْنوّرْ طْرِيگْ الْمْحبَّة
عادِي مْولْفِينْ
فِي وْسطْ الظْلْمَة
كَتْوْلْدْ الْمعْنى بْكْلْمَة
كَيْرْضْعُوهَا بْحْلِيبْ الدْفْلَة
مْنْ بْعْدْ مايْفْطْمُوها
كَيْرْوْضُوها
عْلَى تْعْنَاگْ الْمْحْنَة

 

 

هل ترغب بالتعليق على الموضوع؟
إحجز اسمكم المستعار سيحفظ لكم شخصيتكم الاعتبارية ويمنع الآخرين من انتحاله في التعليقات

موقع سيدي بنور بريس جميع الحقوق محفوظة 2016